‘O nniro ‘e vascio

‘O nnir’’e è quanno
‘a matina te scite cu chillu penziero:
‘o penziero d’’o ppane.

‘O nnir’’e vascio è ‘nu culore:
‘o culore ‘e ll’anema nosta.

‘O nnir’’e vascio è ‘o nniro
dint’’a ll’uocchie d’‘e ccritaure.

‘O nnir’’e‘vascio é ‘o core d’’e ccriature
vuttato mmiezz’’a via.

‘O nnir’’e vascio é ‘o nniro
‘e chi sfrutta ‘e ccriature facennele faticà
comme si fosse ‘na cosa normale.
“Pecchè, accussì, s’imparano ‘nu mestiere”.

‘O nnir’e vascio è patemo ca nun se arritira.
Mò, sta friddo ‘nterra; è caduto d’o quarto piano;
a cinquantacinque, anni steva a faticà ‘ncopp’a ‘n’impalcatura.

Onesto e faticatore, ‘o strunzo ‘e mmerda, è muorto.

Pace all’anima di questo povero peccatore, ha ditto ‘o prevete.
Dietro ogni destino c’è la volontà insondabile del Signore,
ha concluso.

‘O padrone di casa e ‘a signora soia ‘a dummeneca vanno a SS Messa:
s’addenocchiano; cunfessano ‘e peccati; pregano ‘o Pater Nostro, ma
l’Ave Maria, è comme petrusino ogni menesta, nun manca mai.

‘N fonneno ‘e dete dint’a terrasantiera e, se fanno ‘o segno d‘a croce;
guardano ‘e sante d’e statue e d’e quadri, e diceno:
Ora Pronobis, Amen e Così sia.

E ppò sona l’organo, chillo antico, cu ‘e canne
longhe longhe ca saglie ‘n cielo. (Accussì è).
(Accussì adda essere).

P.S.: Comprerò il libro di Raffello Baldini, i dialetti sono musiche antiche e mi piacciono tutti, anche quelli che ti tengono sull’uscio, perchè difficili e gelosi della propria identità animale.

Comunque è proprio vero, spesso arrivano di quei regali assurdissimi. Al mio compleanno mi è stato regalato un puzzle in 3d del sistema solare..è ancora incelofanato dentro all’armadio!